Monday, February 20, 2012

ബെന്നി കുട്ടനും അമ്മയും..


ബെന്നിയെ അറിയില്ലേ..?
ഒരു കൊച്ച് കരടി കുട്ടൻ..
ബെന്നി കുട്ടനെ എപ്പോഴും സന്തോഷത്തോടെ മാത്രമേ കാണാറുള്ളു,..
അതിന് മൂന്ന് കാരണങ്ങൾ ഉണ്ട്..
അവൻ എപ്പോഴും ആ മൂന്ന് പ്രിയപ്പെട്ട വിനോദങ്ങളിൽ ഏർപ്പെട്ടു കൊണ്ടേയിരിയ്ക്കും..
അവ എന്താണെന്നല്ലേ..?
ഒന്ന്..വയറു നിറയെ തേൻ കുടിയ്ക്കുക,
രണ്ട്..അത്യുച്ഛത്തിൽ പാട്ട് പാടുക,
മൂന്ന്..മതി മറന്ന് നൃത്തം ചെയ്യുക.
ഇവ മൂന്നും ഇല്ലാതെ ബെന്നി കുട്ടനെ കാണാൻ അസാധ്യമായിരുന്നു.

ഒരു കുന്നിൻ ചെരുവിലായിരുന്നു ബെന്നി കുട്ടന്റെ താമസം..
എന്നാൽ അവർക്ക് നിത്യവൃത്തിയ്ക്കുള്ള വെള്ളം നൽകിയിരുന്ന വട്ട കിണർ കുന്നിൻ മുകളിൽ ആയത് അവരെ വല്ലാതെ വിഷമിപ്പിച്ചു..
വീട്ടിലെ കുഞ്ഞും മറ്റു ജോലികളൊന്നും ഏൽപ്പിയ്ക്കാൻ ആവാത്തതു കൊണ്ടും കുന്നിൻ മുകളിലെ വട്ട കിണറ്റിൽ നിന്ന് വെള്ളം കോരി കൊണ്ടു വരുന്ന ജോലി ബെന്നി കുട്ടന്റേതായി..
ബെന്നികുട്ടനും എതിർപ്പൊന്നും പ്രകടിപ്പിയ്ക്കാതെ തന്റെ ജോലി കൃത്യമായി നിർവ്വഹിച്ചു പോന്നു..
പക്ഷേ ഒരു പ്രശ്നം..
കയ്യും കാലും വായും വെറുതെ വെയ്ക്കാൻ അറിയാത്ത ബെന്നി കുട്ടൻ,
കുടി വെള്ളം ബക്കറ്റുകളിൽ തൂക്കി കൊണ്ടു വരുമ്പോൾ ആടി പാടി രസിച്ച് കുന്നിൻ ചെരുവിൽ നിന്ന് ഓടി ഇറങ്ങി.,
അപ്പോൾ എന്താണ് സംഭവിയ്ക്കുക…?
രണ്ട് കൈകളിലും നിറഞ്ഞ് തുളുമ്പും ബക്കറ്റുകളിലെ വെള്ളം തൂക്കി കുന്നിൻ ചെരിവിലൂടെ ബെന്നി കുട്ടൻ ഓടി ഇറങ്ങി വീട്ടിൽ എത്തുമ്പോഴേയ്ക്കും കാലിയാകും..
ബെന്നി കുട്ടൻ എത്ര തവണ ശ്രമിച്ചിട്ടും വീട്ടിലേയ്ക്ക് ആവശ്യം വരുന്ന വെള്ളം നിറയ്ക്കുന്ന കൊച്ചു വീപ്പ സന്ധ്യയ്ക്കു മുന്നെ നിറയ്ക്കാനായില്ല.
ബെന്നി കുട്ടൻ ആദ്യമൊന്നും കാര്യമായി എടുത്തില്ലെങ്കിലും, പിന്നീട് അവന് സങ്കടം വരാൻ തുടങ്ങി..
സങ്കടം അടക്കാൻ വയ്യാതായപ്പോൾ അവൻ ഒരു ദിവസം തേങ്ങി തേങ്ങി അമ്മയുടെ മടിയിൽ കിടന്ന് വിങ്ങി പൊട്ടി പറഞ്ഞു,
അമ്മേ…..എനിയ്ക്ക് എന്തു കൊണ്ട് സന്ധ്യയ്ക്കു മുന്നെ വീപ്പ നിറയ്ക്കുവാൻ ഒരിയ്ക്കൽ പോലും ആവുന്നില്ല..?
ബെന്നി കുട്ടന്റെ സങ്കടം അമ്മയ്ക്കും സഹിയ്ക്കാനായില്ല..
ഉടൻ തന്നെ അമ്മ അതിനൊരു പരിഹാരം കണ്ടു..
ബെന്നി കുട്ടന്റെ രണ്ട് കൊച്ച് ബക്കറ്റുകൾക്കും അതിന്റെ അളവിനനുസരിച്ച് മൂടികൾ ഉണ്ടാക്കി കൊടുത്തു..

ഇപ്പോൾ ബെന്നി കുട്ടൻ വളരെ സന്തോഷത്തിലാണ്…
രണ്ട് കൈകളിലും വെള്ളം നിറച്ച അടച്ച ബക്കറ്റുകളോടെ അവൻ ഇഷ്ടം പോലെ തുള്ളിച്ചാടി, ആടിപ്പാടി, ആർത്തു രസിച്ച് കുന്നിൻ ചെരിവുകളിലൂടെ ഓടിയിറങ്ങി..
സന്ധ്യക്കു മുന്നെ ബെന്നി കുട്ടന് വീപ്പ നിറയ്ക്കാനായി..
പെട്ടെന്ന് ജോലി തീർന്ന് വരുന്ന ബെന്നി കുട്ടന് അമ്മ സ്നേഹത്തോടെ വയറു നിറയെ തേൻ വിളമ്പി..
ഇപ്പോൾ ബെന്നി കുട്ടന് മൂന്നല്ല…നാലാണ് വിനോദങ്ങൾ…
എന്താണ് പുതിയ വിനോദം എന്നല്ലേ..?
ഒന്ന്..വയറു നിറയെ തേൻ കുടിയ്ക്കുക,
രണ്ട്..അത്ത്യുച്ഛത്തിൽ പാട്ട് പാടുക,
മൂന്ന്..മതി മറന്ന് നൃത്തം ചെയ്യുക.
നാല്..കുന്നിൻ മുകളിൽ നിന്ന് വെള്ളം നിറച്ച ബക്കറ്റുകളുമായി ഓടി ഇറങ്ങുക..!



കൊച്ചു കൂട്ടരേ..
നമ്മെ സ്നേഹ വാത്സല്ല്യങ്ങൾ കൊണ്ട് പൊതിയുന്ന സ്നേഹ നിധി ആരാണ്..?
ഉം…അതെ, അമ്മ തന്നെ..
നമ്മുടെ കൊച്ചു സങ്കടങ്ങൾ ആവട്ടെ..വലിയ പ്രശ്നങ്ങൾ ആവട്ടെ.. പങ്കു വെയ്ക്കുവാനും സ്വീകരിയ്ക്കുവാനുമുള്ള നിറ കുടമാണ് അമ്മ മനസ്സ്..
നമ്മുടെ ഏത് വിഷമങ്ങൾക്കും പ്രശ്നങ്ങൾക്കും പരിഹാരം നീട്ടി തരുന്ന അമ്മയെ സ്നേഹിയ്ക്കുക…ബഹുമാനിയ്ക്കുക...!

Tuesday, February 14, 2012

I LOVE YOU...!



Happy Valentine’s Day maa’m..
എന്നും ആശംസിച്ച് ഒരു കുഞ്ഞ് ചുവന്ന റോസാപൂവ് നീട്ടി പുഞ്ചിരിച്ച് നിൽക്കുകയാണ് ആദിത്യ..
Thankyou, same to you and a very Happy Birthday to you dear…എന്ന് തിരിച്ച് ആശംസിച്ച് അവന്റെ കവിളിൽ ഒരു മുത്തം കൊടുത്ത് റോസ് സ്വന്തമാക്കുന്നതിനിടെ മനസ്സിൽ ഓടി വന്നത്, കഴിഞ്ഞ PTM അവന്റെ അമ്മ ചെറു ചിരിയോടേ പറഞ്ഞ കൊച്ചു വർത്തമാനമായിരുന്നു..
“മേം ,ഞങ്ങളുടേത് പ്രണയ വിവാഹമായിരുന്നു..
ഞങ്ങളുടെ വിവാഹ ദിനവും അവന്റെ ജന്മദിനവും ഒരേ ദിവസമാണ്..Feb 14thന്..“
അപ്പോഴേയ്ക്കും മാളവികയും ,അനുഷ്ക്കയും ,സമര്ത്തും ,പ്രണവുമെല്ലാം ചുവന്ന റോസാപൂക്കളുമായി കാത്തു നില്ക്കുകയാണ്, അവരുടെ ഊഴത്തിനായി..
വളരെ സന്തോഷം തോന്നി..
ഇന്ന് എന്റെ കുഞ്ഞുങ്ങൾക്കെല്ലാം പ്രിയപ്പെട്ടവൾ ഞാൻ മാത്രം ആണല്ലൊ എന്ന അടക്കാനാവാത്ത ആഹ്ലാദം..
Feb 14th പ്രിയപ്പെട്ടവരെ ആശംസിയ്ക്കുന്ന ദിവസമാണെന്ന് അവർ അറിഞ്ഞു വെച്ചിരിയ്ക്കുന്നു…
രാവിലെ സ്ക്കൂളിലേയ്ക്ക് പോകാൻ ഒരുക്കുന്നതിനിടെ പറയുന്ന കൊച്ചു വർത്തമാനങ്ങൾക്കിടെ അച്ഛനമ്മമാർ ഇന്നവർക്ക് കൈമാറിയ വിഷയം ഇതായിരുന്നു എന്ന് സാരം..
പ്രധാന ദിവസങ്ങളും ആഘോഷങ്ങളും ചെറു വിവരണങ്ങളുടേയും, കഥകളുടേയും, പാട്ടുകളുടേയും രൂപത്തിൽ രസകരമായി അവതരിപ്പിയ്ക്കാറുള്ള അതേ ഉത്സാഹത്തോടെ ഇന്ന് ഞങ്ങൾ ആദിത്യയുടെ ജന്മദിനവും ആഘോഷിച്ചു..
ഇടയ്ക്ക് ആലിയ ഓർമ്മിപ്പിച്ചു , “മേം.. Happy Valentine’s Day എന്നും പാടണം ട്ടൊ..”
പ്രണയം എന്തെന്ന് അറിയാത്ത കുഞ്ഞു മക്കൾക്ക് സ്നേഹം എന്നാൽ എന്തെന്ന് നല്ലപോലെ അറിയാം..
സ്നേഹത്തെ കുറിച്ച് പറയാൻ അവർക്ക് വാനോളം ഉണ്ട്..
സ്നേഹത്തെ കുറിച്ച് ഞാനും പാടി…
അവർ ഏറ്റു പാടി..

I Love You..
You Love Me..
We are a Happy Family
with a big hug and a kiss
for me today,
Do You really Love Me too…
Mummy Daddy…Mummy Daddy..
I Love You…
See your Baby dancing..
See Your Baby dancing..
Just for You..
Just for You…!